黃洋達致全港市民書 (2/2)

近黎明時份,軍心就好容易散,晏晝又係,因為晏晝好曬,帶多啲遮出嚟,有帳篷嘅儘量借出嚟,因為晏晝時間係難捱嘅。

始終依家都係佔上風,一個咁成功嘅運動,唔好因為一啲芝麻綠豆嘅嘢俾佢搞散,唔好內部喺度內哄,唔好理人哋搞唔搞Party,唔好走去鬧人哋嗌咪嗌乜嘢,唔好咁輕易聽信一啲自稱來至「大會」嘅一啲留言。運動唔係中央集權指揮,係香港地,香港人做主持,所以,而家保持聲勢,三個佔領點,旺角、銅鑼灣、金鐘,Keep住呢個形勢,唔好胡亂去思考有乜嘢改變,保持住呢個陣式就會贏架啦。

今晚係關鍵,大家要守住,有啲乜嘢爭拗,過咗十一先講。總之留喺街頭就贏架啦。