黃洋達致全港市民書 (1/2)

香港每個佔領點需要多啲人聲援守住。唔好立亂話撤退,唔好將啲佔領點縮小結合埋一齊,無著數。尋晚我聽到好多流言、好多風聲,製造好多恐懼,無論如何,依家群眾都係佔上風,三個佔領點守住,過十一就贏架啦。

唔好諗太多變陣、行動升級呢啲咁嘅嘢,銅鑼灣、旺角、金鐘,唔好因為個時間變得耐咗,就喺度諗要點樣變,人夠多就蔓延出去,人少都守住個據點,唔好諗住咁快自己走,見到催淚彈先走都未遲,唔好聽太多風聲流言,唔好聽甚麼「大會」收嘅消息,催淚彈都趕你唔走,唔好俾謠言趕走。