長毛:根據假設而撤退,我唔認為係個好既做法

謠言係唔值得信架,到依家為止,係從為無人證實警方用過橡膠子彈,警方亦都冇話­過要用橡膠子彈。根據假設而撤退,我唔認為係個好既做法,因為係未來既佔中運動,或者­其他既群眾運動,一定有人蓄意係wtsapp或者其他通訊既方法大量散播謠言。今晚既­謠言就係話,解放軍會分三路黎香港佔領所有據點,而且會捉哂佔中既領袖,你信唔信丫?

示威係我地既權利,你地黎到依到支持,無論係邊個都好,都係支持番你自己,係唔係?我­再同大家講,警方發射橡膠子彈係未得到警方證實,亦從無任何人有證實,我話依個係謠言­。

我希望大家聽取依樣野後,大家自己做一個選擇。我仲同大家講,類似大家既抗爭,唔淨係­依到,係其他地方都有,我地今晚黎依到,唔係針對警察,係針對梁振英,係針對人大常委­,我地同警察無仇既。

如果要出橡膠子彈,等於大量發射催淚彈,係代表左梁振英政府既徹底墜落,係代表左係要­殺死我地,或者搵機會殺死我地,都要粉碎我地既和平示威,要剝奪我地既尊嚴。我希望大­家審慎考慮,千里之行,始於足下,行出第一步唔係容易既,我希望大家冷靜考慮依個問題­,我希望都發短訊比你既朋友,依個係謠言,發橡膠子彈係謠言。

我希望大家可以和平咁行使你既示威權利,我地要話比梁振要聽,佢必須就有冇真實咁反映­香港人既意見比人大常委聽,作一個交代。我地既要求冇變,我地要和平態度冇變,你地同­入面既三子一樣既,係一個和平既公民抗命運動。